Sítio na rede para denunciar o projecto de urbanizaçom que pretende borrar do mapa umha das poucas fragas de espécies autóctonas que há em Ferrol
correio-e: menancaro@gmail.com

domingo, setembro 23, 2007

Constituido o Comité Galego das árvores e formaçons senlheiras

Constituido o Comité Galego das árvores e formaçons senlheiras que já tivo a sua primeira reuniom onde se tomárom umha série de acordos de importáncia e se vam a avaliar as solicitudes realizadas até o dia de hoje, entre as que se atopa a da Comunidade Menáncaro.

Nota de imprensa emitida pola própria Xunta de Galicia:

A Dirección Xeral de Conservación da Natureza constitúe o comité das árbores senlleiras, que examinará 189 novas solicitudes de catalogación

O comité, que se constituíu esta semana, está integrado por representantes da administración, da universidade, técnicos, biólogos, asociacións protectoras do medio ambiente, e decidirá sobre a inclusión de novos exemplares no Catálogo de Árbores Senlleiras

O catálogo é un rexistro público, creado en maio deste ano, no que se recolle unha primeira selección de 106 exemplares de 60 especies distintas, así como 21 formación arboradas de 14 especies diferentes

O comité iniciou xa a planificación dunha liña de axudas para o vindeiro ano, encamiñadas á conservación, protección e mellora dos exemplares incluídos no catálogo, así como a realización de tratamentos silvícolas ou fitosanitarios para o seu mantemento

Santiago, 22 de setembro de 2007.- A Dirección Xeral de Conservación da Natureza recibiu 189 solicitudes de inclusión novos exemplares no Catálogo de Árbores Senlleiras, cuxo decreto de creación entrou en vigor en maio deste ano. O rexistro recolle inicialmente 106 exemplares de 60 especies diferentes e 21 formacións arboradas compostas por 14 especies distintas; aínda que se configura como unha ferramenta aberta e en constante actualización, podendo propoñer a inclusión de novos elementos os seus propietarios, as administracións públicas, centros de investigación ou entidades que teñan entre os seus fins a protección da natureza.

O órgano encargado de analizar as novas solicitudes é o Comité das Árbores Senlleiras, que se reuniu por primeira vez o pasado mércores nas instalacións da propia Consellería de Medio Ambiente. Os membros do comité foron designados por diferentes institucións e organismos que teñen como finalidade a protección, conservación ou divulgación das árbores senlleiras. O órgano está presidido polo director xeral de Conservación da Natureza, Xosé Benito Reza, e ten entre os seus membros, representantes dos departamentos autonómicos como Cultura ou Medio Rural, das tres universidades galegas, técnicos do Centro de Investigación Ambiental de Lourizán, da Asociación para a Defensa Ecolóxica de Galicia (Adega), así como representantes de asociacións protectoras do medio ambiente.

O comité ten como principais funcións a inclusión e exclusión de exemplares e formacións no Catálogo de Árbores Senlleiras, a elaboración

de plans de xestión e a valoración dos tratamentos fitosanitarios requiridos en cada caso, entre outras.

Na súa primeira reunión, a da súa constitución oficial, o Comité das Árbores Senlleiras iniciou a elaboración dos criterios de inclusión de novos exemplares e formacións no catálogo. Estes parámetros servirán para realizar a valoración final do conxunto de solicitudes de inclusión, 189 ata a data, e poder seleccionar as árbores e formacións máis representativas da nosa comunidade.

Así mesmo, o comité iniciou a planificación dunha liña de axudas para o vindeiro ano, destinadas á conservación, protección e mellora dos exemplares e formacións ou, no seu caso, a realización de tratamentos fitosanitarios ou silvícolas de mantemento.

Por último, na reunión do comité valorouse de xeito positivo a proposta de crear dentro da páxina web da Consellería de Medio Ambiente (http://medioambiente.xunta.es) un apartado específico para o Catálogo de Árbores Senlleiras, con información individualizada de cada un dos exemplares catalogados.
_________________
--> Leer más...

sábado, agosto 04, 2007

A mobilizaçom popular deu os seus frutos: a fraga mais perto dumha protecçom integral

Pola importáncia do assunto, transcribimos estas novas que publicam hoje Lorena Bustabad no xornal "El País" e a redacçomn do "Diario de Ferrol", sobre o resultado do Pleno do Concelho de Ferrol, celebrado onte, 3 de agosto, às 11 da manhá, no ponto sobre a Fraga de Menáncaro.

Menáncaro, carvalho centenário [Miguel Angel Fernández]

O goberno de Ferrol blinda a fraga de Menáncara para impedir que se urbanice
Socialistas e EU anulan definitivamente os orzamentos para 2007 herdados do PP
LORENA BUSTABAD - Ferrol - 04/08/2007

Dunha plumada, o goberno local de Ferrol tombou onte dous dos proxectos impulsados pola anterior corporación municipal, ao iniciar os trámites para impedir a urbanización de Menáncara e rexeitar os orzamentos deseñados polo PP para o 2007. A coalición de socialistas e EU no goberno local argumenta que quere redeseñar as contas públicas e reestablecer a legalidade urbanística na fraga de Serantes para protexela de futuras ambicións inmobiliarias. Desde a oposición, PP e Independentes por Ferrol (IF) interprétano como un desquite político.

Entre abrazos e aclamacións, veciños e ecoloxistas aplaudiron onte a decisión do goberno local de Ferrol de iniciar os trámites administrativos para revogar o acordo plenario que autorizaba a urbanización da fraga de Menáncara, aprobado o 20 de abril pola anterior coalición PP-IF. Nos últimos meses, asistiron a practicamente todos os plenos da corporación portando pancartas que denunciaban a destrución dun bosque centenario na contorna do río Sardiña, na parroquia de Serantes. "Levamos dous anos loitando e reclamando" manifestou Ramón Regueiro, un dos veciños afectados, "para nós isto é un éxito". A alegría dos veciños chocaba coas manifestacións da oposición municipal. "Nada lles vale, nin os soldos" replicaba un edil popular para referirse ás últimas decisións do goberno de paralizar as obras da praza de España e modificar á alza as táboas salariais dos edís.

A proposta para anular o Plan de Sectorialización de Menáncara aprobouse onte en pleno extraordinario cos votos a favor do executivo local e o respaldo do BNG, a abstención popular e a oposición de IF. O líder da formación, Juan Fernández, que figura como propietario de gran parte dos terreos que ambicionaba a promotora Bros Noroeste, ausentouse durante o debate aínda que permaneceu apostado na porta do salón de plenos seguindo o desenvolvemento dunha sesión non exenta de polémica.

O edil de Urbanismo, Anxo Mato, do PSDEG, defendeu a necesidade de protexer canto antes un espazo natural único que desde o 2000 figura na achaiadura urbanística como chan rústico urbanizable. Desde os bancos da oposición, o independente Francisco Pita Romeu, impulsor do proxecto na súa etapa á fronte da concellaría de Urbanismo, cuestionou a validez xurídica do proceso de anulación, mentres os populares responsabilizaron do agravio ao goberno autonómico. "Se os informes da Xunta chegasen a tempo, hoxe non estariamos aquí", manifestou o popular Guillermo Evia.

Este arquitecto, a quen Juncal sitúo como responsable de Urbanismo no lugar de Pita Romeu, aprobou o Plan de Sectorialización de Menáncara por silencio administrativo a despeito do criterio de Medio Ambiente e Política Territorial, que emitiron, fóra de prazo, ata tres informes desfavorables en contra dun proxecto que pretendía edificar 69 chalés encostados e pareados sobre o corazón da fraga. A Xunta advertiu que o impacto da urbanización sería "irreversible" e en xullo requiriu formalmente a revogación dun plan, que segundo Anxo Mato, aprobouse sen o correspondente informe de avaliación de impacto ambiental.

A decisión do goberno de Irisarri de rexeitar os orzamentos da anterior corporación para 2007 tampouco sentou nada ben nas filas populares. Desde os bancos da oposición acusaron ao executivo local de servirse dun "capricho" para "dilapidar" varios meses de traballo na área económica do concello cunha política de "terra queimada". O anterior alcalde, Juan Juncal, defendeu o "realismo" dunhas contas que superaban os 48 millóns de euros e que se aprobaron inicialmente a principios de maio, vinte días antes dos últimos comicios. Juncal acusou a Irisarri de pretender "demonizar todo o que ten que ver co goberno anterior" mentres o concelleiro de Facenda, Ramón Veloso, responsabilizou ao executivo anterior de reflectir nas contas públicas "un falso crecemento" orzamentario.

O edil socialista sostén que o documento económico elaborado polo PP era unha "prórroga encuberta" das contas do 2006. Denunciou, ademais, que no último mandato non houbo "un control exacto do gasto público" e recordou que o municipio está abonando os intereses de varios créditos aínda sen investir. O goberno finalizará o presente exercicio cunha nova prórroga sobre os orzamentos do ano anterior para iniciar o deseño doutro documento económico para 2008, previsto para outubro.

Enlace coa notícia original en "El País"
_____

Diario de Ferrol

Ferrol | Sábado, 4 de Agosto de 2007

Inicio dos trámites para a recualificación e protección da Fraga de Menáncaro

O tema de Menáncaro tamén suscitou un amplo debate no pleno de onte, sobre a proposta de iniciou do procedemento de revisión de oficio de actos nulos de pleno dereito do acordo plenario de 2007 que estableceu a aprobación definitiva do Plan de Sectorización de Menáncaro por silencio administrativo. A proposta de PSOE e EU contou co respaldo do BNG e o voto contrario de IF, cuxo portavoz ausentar do debate.

O edil de Planificación e Coordinación de Urbanismo, Anxo Mato, explicou que o goberno municipal adoptou esta decisión para dar cumprimento ao principio de legalidade que a Administración debe garantir. Destacou, así mesmo, o indubidable valor ecolóxico da fraga de Menáncaro e recordou as resolucións emitidas pola Xunta que establecen a existencia de causas de nulidade de pleno dereito. Nesta liña, e ante a insistencia do PP en que os informes de Medio Ambiente chegaran fóra de prazo, por iso é polo que o anterior goberno aprobase o Plan pola vía do silencio administrativo, Anxo Mato asegurou que "a extemporalización dun informe non legaliza algo que é ilegalizable".

O anterior edil de Urbanismo, Guillermo Evia (PP) manifestou que non ía ser el quen defendese a sectorización de Menáncaro, pero incidiu en que cando se aprobou a clasificación de chan rústico tipo A apto para o desenvolvemento urbanístico foi no ano 2000, cando ostentaba a Alcaldía o BNG, co apoio do PSOE. "Se os informes da Xunta chegasen ao seu debido tempo non estariamos agora debatendo isto", manifestou, momento no que xurdiu un pequeno incidente, cando alguén do público díxolle que os paralizou el.

Despois de que o alcalde, Vicente Irisarri, puxese orde na sala, Evia continuou dicindo que el actuara en base a eses informes e que lle gustaría que o goberno recoñecese onte que se trataba dunha decisión política.

Desde IF indicouse que o que se estaba sometendo a aprobación era o inicio dun expediente "que poida que acabe na revogación do acordo",animando ao goberno a que "inicie de verdade a recualificación, porque isto só é culpar ao goberno anterior".

A portavoz de EU, Yolanda Díaz, cualificou a xornada de onte de "un día de ledicia para Ferrol, porque se vai poñer freo a un problema ambiental".

Pita, do BNG, precisou que o problema está "na vontade que tivo un goberno de facer aí unha urbanización, que nós sempre rexeitamos" e non na modificación do Plan Xeral no ano 2000.

Enlace coa noticia orixinal no Diario de Ferrol
_______________

MENÁNCARO
Blog da Comunidade Menáncaro
Fraga de Menáncaro Formación Senlheira
Expresso de Menáncaro
Artigos publicados no Blog da PA21


Menáncaro, Gaiteir@s cruzando o río Aneiros [Miguel Angel Fernández]
___________________
--> Leer más...

terça-feira, julho 03, 2007

Reuniom cumha comissom do grupo de governo municipal, encabeçada polo Alcade da cidade, Vicente Irisarri

Onte, 2 de Julho, pola tarde tivo lugar, numha das salas do Pazo Municipal do concelho de Ferrol, umha reuniom cumha comissom do grupo de governo municipal, encabeçada polo Alcade da cidade, Vicente Irisarri, cumha representaçom da Comunidade Menáncaro, ADEGA, SGHN e VERDEGAIA, para analisar a situaçom do procedimento administrativo com respeito da Fraga de Menáncaro e ver de ponher en prática as reivindicaçoms vecinhais e ecologistas que agora son tambén do grupo municipal, de que a melhor actuaçom para a Fraga de Menáncaro é nom actuar, deixar o espaço natural como está e buscar umha figura de proteçom, para o conjunto do lugar. Hoje às 8 da tarde [quedou aprazada para manhá, 4 de Julho, Quarta-Feira], o Alcade vai fazer umha visita à Fraga para ver o lugar em pessoa, acompanhado de representantes das organizaçoms ecologistas e vecinhais.

Por outra banda dizer que a Dirección Xeral de Calidade e Avaliación Ambiental, da Consellería de Medio Ambiente e Desenvolvemento Sostíbel, emiteu um novo informe, onde advirte ao Concelho de que nom se podia aprovar o Plano de Sectorizaçom, sem o trámite de avaliaçom de impacto ambiental, polo que de persistir nessa actuaçom estaria-se a cometer umha infraçom moi grave, segundo o disposto no RD Legislativo 1303/1986, na sua redaçom actual. O que vem facilitar, ainda mais, a argumentaçom jurídica de paralizaçom do Plano de Sectorizaçom e de proposta para a anulaçom do acordo plenário do passado 20 de abril, onde se apravou o Plano de Sectorizaçom alegando silêncio administrativo positivo. Os representantes municipais, manifestárom que nums 15 dias teriam ultimada o procedimento a seguir para a paralizaçom do mecionado projecto urbanístico.

Tratou-se na reuniom de três assuntos que preocupam, a continua vertedura de lodos ao río, por parte de Canteiras Ferrolanas, S.A., o paso pola Fraga das lineas de alta tensom de Fenosa e a continua agresom desta empresa á carvalheira para a realizaçom da manutençom das mesmas e por último o vial proxectado no PXOM, no plano 1-25, onde figura a construçom dun viaducto sobre a Fraga, para unir a estrada de Catabois [C-646] e a de Covas [CP-3603], modificada por ressoluçom da Direcciónm Xeral de Urbanismo o 25 de maio de 2005,mais que ainda segue afectando à Fraga, ademais de tornarse innecesaria por mor da construçom dos novos viais de acceso ao porto exterior.

Proximamente tera-se umha nova reunión, no momento no que haja novas ao respecto do processo político-administrativo, do rexeitado proxecto especulativo no corazón da Fraga de Menáncaro.

Ferrol, 3 de julho de 2007
___________
--> Leer más...

quinta-feira, junho 21, 2007

Reuniom da Comunidade Menáncaro celebrada o 13 de junho de 2007

O passado, mércores [Quarta-Feira], 13 de Junho, tivemos umha reuniom nos locais da SGHN, a Comunidade Menáncaro, onde ADEGA está integrada, xunto com VERDEGAIA, a SGHN e o Colectivo Veciñal de Menáncaro, e outras entidades [Asoc. Picos do Sol e Fundaçom Artábria], que já há mais dum ano que nom participam. A sua vez a Comunidade Menáncaro, participa na PA21. Nesta reuniom valoramos a situaçom que se dá na actualidade, logo do cámbio de Governo no Concelho, assim como a última comunicaçom da "Dirección Xeral de Calidade e Avaliación Ambiental, da Consellería de Medio Ambiente e Desenvolvemento Sostíbel", da qual Nês tem umha cópia.

Valorizamos que nom há que baixar a guarda e que polo de agora, nom há nada em firme, só o acordado polos partidos que conformam o Grupo de Governo Municipal de Ferrol, onde manifestam a sua intençom de paralisar o Plano Urbanístico. Assim que logo queda a sua anulaçom e finalmente, a requalificaçom de toda a Fraga como Espaçon Natural de Interesse Local ou Espaço Privado de Interesse Natural [Está em formato -pdf-] ou outra figura de protecçom que seja viável e possível [Ver normativa relacionada: Lei 9/2001 de 21 de agosto. CONSERVAÇOM DA NATUREZA (DOG 4/9/2001). A declaraçom como Formaçom Senlheira, para toda a fraga, também poderia ser umha soluçom. Mas nom é tam fácil o assunto, pois a entidade mercantil BROS NOROESTE EMPRESA INMOBILIARIA S.L. e os propietarios maioritarios das parcelas afectadas polo Plano de Sectorizaçom [Juan José Fernández García e SAT AGROPINO SAT, de Amando Romero Castrillón, tenhem uns direitos que vam intentar exercer, sobre todo para se nom conseguise fazer a urbanizaçom, que nom o vam conseguir, ao menos para pilhare umha forte indenizaçom. E sobre todo a estas alturas do processo administrativo e político. Polo que o Concelho, e penso que a petiçom da "Xunta de Galicia", ou mesmo em atençom aos nossos RECURSOS DE REPOSIÇOM, teria que comprometerse a anular os acordos plenarios do passado 20 de abril, onde se acordou aprovar o Plano de Sectrorizaçom, alegando SILÊNCIO ADMINISTARTIVO POSITIVO, e estar dispostos a sofrir o acosso nos tribunais por parte dos especuladores, e quem sabe se da oposiçom de direitas, por isso de dar a lata e o desgaste. É por todo isto polo que solicitamos umha reuniom cos responsáveis do Concelho de todas áreas que corresponda tratar, urbanismo, meio ambiente e outras, mas também queremos que esteja presente o próprio Alcade o Sr. Irisarri.
--> Leer más...

sexta-feira, junho 15, 2007

Someter o Plano de Sectorizaçom ao trámite de impacto ambiental, requisito imprescindível para qualquer actuaçom respeito ao projecto especulativo


A Comunidade Menáncaro, recebimos onte un escrito da Dirección Xeral de Calidade e Avaliación Ambiental, da Consellería de Medio Ambiente e Desenvolvemento Sostíbel, onde se nos comunica, em resposta a vários escritos remitidos entre os meses de fevereiro e maio deste ano, que o Concelho nom pode realizar nengumha actuaçom com respeito ao projecto urbanizador dentro da Fraga de Menáncaro sem previamente someter o Plano de Sectorizaçom ao trámite de avaliçom de impacto ambiental. Ao tempo que notifica que de nom ser assi , o Concelho estaria a cometer umha infracçom moi grave, segundo o disposto no RD Legislativo 1303/1986 na sua actual redacçom.

A mesma Dirección Xeral, fai referência ao Informe desfavorável ao Plano de Sectorizaçom, emitido o 16 de Outubo do passado ano, em pleno vigor, ao que o Concelho tem que respostar, em todos os seus pontos, antes de qualquer actuaçom.

_________
Comunidade Menáncaro
menancaro@gmail.com
http://menancaro.blogspot.com
--> Leer más...

segunda-feira, maio 21, 2007

Solicitam à Xunta de Galicia que anule o acordo plenário onde se permite a construçom da urbanizaçom em Menáncaro e apresentam Recursos

O pasado venres, 19 de maio, a Comunidade Menánacaro no nome da veciñanza e dos demais grupos ecoloxistas e de participación cidadán, defensores da Fraga de Menáncaro [ADEGA, VERDEGAIA, SGHN e Plataforma Ártabra 21], presentaron no rexistro da Xunta de Galicia en Ferrol e enviaron por fax, escritos ante a Secretaría Xeral da Presidencia, a Dirección Xeral de Urbanismo e a Dirección Xeral de Calidade e Avaliación Ambiental, para que, acolléndose ao disposto na lexislación vixente, actuen en consecuencia co manifestado publicamente e anulen e posteriormente, se é o caso, impugnen o ACORDO PLENARIO onde se aprobou o Plano de Sectorización de Menáncaro-Serantes, que o Concello de Ferrol aprobou, no Pleno Municipal do pasado 20 de abril de 2007, publicado o anuncio no DOG do 11.05.2007, alegando SILENCIO ADMINISTRATIVO POSITIVO; por non ser conforme á LEI e non respectar o PXOM vixente no Concello de Ferrol, en especial o seu Artigo 149.

Hoxe luns, 21 de maio, ás 12 do mediodía, ADEGA, a SGHN, VERDEGAIA e a Comunidade Menáncaro, desplegaron unha faixa diante da porta do Pazo Municipal e posteriormente presentaron no rexitro do Concello de Ferrol os RECURSOS DE REPOSICIÓN anunciados no seu día contra o xa citado acordo Plenario do 20 de abril pasado.

Asinado.-
Ramón REGUEIRO SANTIAGO, con DNI 32591787-M, no nome propio e en representación da Comunidade Menáncaro, da Asociación para a Defensa Ecolóxica de Galiza -ADEGA-, da Sociedade Galega de Historia Natural -SGHN-, da Asociación Ecoloxista Galega VERDEGAIA e da Plataforma Ártabra 21.


________________________________

Fotografias e o Plano de Sectorizaçom.-

Na foto pode-se apreciar, em perspectiva de 60º sobre chao, a Fraga de Menáncaro e o seu contorno. Esta fotografia está tomada há 2 anos em 2005, para amplia-la há que clicar acima dela.

Na foto pode-se apreciar, em vertical sobre chao, a Fraga de Menáncaro e o seu contorno. Na margem direita da fraga, próxima ao rio Aneiros, pode-se apreciar a tala ilegal do bosque ripicola que fixo Juan José Fernández García e o seu sócio Amando Romero Castrillón, em Setembro de 2001, paralizada no seu momento pola acçom e denuncias do movimento ecologista. Esta fotografia está tomada há 2 anos em 2005, para amplia-la há que clicar acima dela.

Este é o Plano de Sectorización de Menáncaro que comprende quase 5 ha, a mitade da Fraga, mais que está desenhado para ocupar a zona de mais valor ecológico, o coraçom da mesma Fraga, a zona mais viva, onde todo brota com muita facilidade.

Na foto pode-se apreciar, em vertical sobre chao, a Fraga de Menáncaro e o seu contorno. Agora ponhendo a escala o plano sobre o lugar onde pretendem localizar a urbanizaçom, pode-se apreciar como o Plano de Sectorizaçom incumpre o PXOM, ao nom respectar a carvalheira e polo tanto muito menos o seu contorno comoassim establece o PXOM [Plano Xeral de Ordenación Municipal]. Mesmo nom haveria espaço físico suficiente, para localizar a urbanizaçom noutro lugar da fraga sem incumprir a legislaçom vigente e já nom digamos, sem destruir o conjunto do espaço natural que conforma a carvalheira, rio, humedais e bosque ripicola. Esta fotografia está tomada há 2 anos em 2005, para amplia-la há que clicar acima dela.
--> Leer más...

segunda-feira, abril 23, 2007

Onde están as actitudes demócratas, onde está a democracia ?

Non é novo dicir que en política a ética non existe, non importa mentir, non importa manipular, non importa tomar decisións contra toda lóxica, non importan os dereitos da cidadanía, non importa a opinión das persoas afectadas, non importa o medio ambiente, ... só importan os intereses políticos partidarios, os intereses económicos, os intereses particulares, dos que detentan o poder, neste caso no poder municipal. Podes presentar alegacións a un Plano urbanístico, esforzaste na argumentación, pides opinión de espertos, buscas na lexislación os fundamentos xurídicos, ... para que despois decidan sobre as alegacións sen sequera ollar par elas. Pois todo é formal, as decisións xa estań tomadas con antelación. E esta é vía libre á especulación.

Se os colectivos veciñais e ecoloxistas non se organizaran e loitaran na defensa da Fraga de Menáncaro, a estas alturas xa se tería cometido un atentado ecolóxico contra un dos escasisismos espazos naturais de grande interese ecolóxico e paisaxístico que quedan no Concello de Ferrol. Tampouco quedarían destapados os intereses particulares, do Teniente Alcalde Juan José Fernández García, na consumación deste atentado ecolóxico e na utilización do seu cargo en beneficio personal e non na defensa dos intereses colectivos e veciñais.

O Alcalde minte descaradamente, cando di que "el proyecto urbanístico respecta la carballeira" e chamanos a atención unha, repetida e importante, coincidencia cun medio de comunicación, na súa información, cando se refire ao proxecto urbanístico, sempre o situa fora da Fraga, utilizando urbanización que se vai construir "al lado de la fraga...", ou tamém utilizando que se vai construir "en las inmediaciones ..." Maldita coincidencia. Maldita impotencia a nosa. Mais hoxe en día, temos a sorte de dispor de fotografías aéreas e de satélite, na rede. As primeiras facilitadas polo Sixpac da Consellería do Medio Rural, mais cun lixeiro inconveniente de que son fotos do 2002, mais valedas para o que se trata e as segunda ofertadas polo Google Heart, datadas en 2005, que cunha simple observación e comparadandoas cos planos do proxecto urbanístico, damonos conta da gran e intencionada mentira coa que pretenden manipular á opinión pública. Os tres informes emitidos pola administración autonómica, dan conta deste extremo, mencionando de diferentes formas que o espazo onde se pretende levar a cabo o proxecto urbanístico é moi escaso para tal actuación. Non é que se vaia construir ao lado da Fraga de Menáncaro, vaise construir no mesmo corazón da Fraga.

Unha parte da oposición é responsábel [BNG-PSOE], pois na anterior lexislatura cando estaba no poder consisteu que a Fraga de Menáncaro quedara como urbanizábel no PXOM en vigor, aprobado no ano 2000 por unanimidade por todos os grupos que daquela esban representadosnoConcello [BNG, IF, PP e PSOE] , cunha figura de proteción ambigua e a todas luces insuficiente, sen atender no seu momento as alegacións ecoloxistas que pedían unha figura de proteción absoluta e que voltaron a reiterar unha vez que se prodiciú unha tala ilegal en setembro de 2001. Agardemos que aprenderan a lección, e que no caso de gobernar a partires do 27 de maio, non o fagan como sempre para o pobo, mai sen o pobo, senón que o fagan contando co pobo, e fagan real a participación cidadán, democracia participativa e as consultas populares.

O Sr. Juncal, escudase nas incoherencias de parte da oposición cando eran gobernates municipais na anterior lexislatura, ao deixar as portas abertas da Fraga sen importarlle que os especuladores acechaban, mais foi este goberno que preside o Sr Juncal quen chamou aos especuladores para que entraran a saco e acabaran con este singular espazo natural. É mais os especuladores están dentro do seu propio goberno municipal.

O sentido común, tería que decirlle ao Sr. Alcalde que con tres informes contrarios ao proxecto urbanístico, coa veciñanza e as organizacións ecoloxistas, mais sobre todo polo grande valor ecolóxico da Fraga, non debería darlle para diante ao Plano de Sectorización.

O Alcalde sinteuse ultraxado, porque di que se lle insultou, pola actitude mantida pola veciñanza e ecolxistas, nós non escoitamos tais insultos só muita indignación frente a tanta inxusticia. Mais que quería o Sr.Alcalde , diante de semellante inxusticia, a unha veciñanza que se lles rouba a terra para facer chaléts de luxo, que se lles obriga a cambiar de vida, non por un inescusábel e necesario proxecto para o ben ou servizo colectivo de toda a sociedade, senón para que uns cantos especuladores fagan un negocio destruíndo un lugar de grande valor ecolóxico. E si a isto somamos a actitude do Alcalde, de non deixar pasar ao Pleno ás persoas afectadas, só unha vez que se aprobou o proxecto urbanístico, que pensa o Alcalde como imos respostar a tal inxusticia e actitude antidemocrática, pois con muita xenreira e indignación, como calquer persoa humana. Só faltaría ! Mais que non pense que imos quedar só aí, se fose así bon sería para el e para o Sr. Fernández, senón que dedicaremos todas as nosas forzas a impedir o proxecto urbanístico, defenderemos a Fraga con uñas e dentes, utilizaremos todas as posibilidades legais e se fai falta impediremos as obras desde antes que comecen.

Para actitude democrática, a nosa, a do Sr. Juncal Alcalde de Ferrol brilla pola súa ausencia, vergoña deberíalle dar.

Ferrol, 23 de Abril de 2007

Ramón Regueiro Santiago
e Inácio Martínez Orero
--> Leer más...

sexta-feira, abril 20, 2007

O Pleno Municipal aprova o projecto urbanístico em Menáncaro

O Pleno Municipal aproba o proxecto urbanístico en Menáncaro

Hoxe as 9 e 1/2 da mañá estaba previsto un pleno municipal extraordinario en Ferrol, onde entre outros puntos estaba previsto tratar o dar por aprobado o Plano de Sectorización de Menáncaro-Serantes alegando "silencio administrativo positivo".

Sen ser o Pleno a porta pechada o Alcalde impideu a entrada ao mesmo dunhas trinta persoas que representanban á oposición cidadán ao proxecto urbanístico, veciñanza do lugar, representantes de ADEGA, SGHN, VERDEGAIA, Plataforma Ártabra 21 e da Comunidade Menáncaro, viron impedida a entrada ao Pleno polo dispositivo policial ordenado polo Alcalde.

A primeira hora da mañá houbo unha pequena rebelión do persoal funcionario e laboral do Concello, pois o goberno municipal, ía aprobar un plano de emprego, do IMFACOF, un organismo autónomo do Concello, parece ser que lesivo para os intereses do resto do persoal. O que descolocou ao Alcalde que agardamos que non durmira coa conciencia tranquila a noite anterior, polo que pensamos que xa viña tenso a un Pleno con certa expectación, cidadán e mediática.

O Alcalde aproveitou a situación, para deixar fóra da sala de sesións à oposición veciñal e ecoloxista, desoindo as peticións reiteradas dos grupos da oposición, para que abrira as portas. Os grupos da oposición abandoaron o Pleno en protesta pola actitude da Alcaldia. Unha vez que se aprobou o proxecto urbanístico, o Alcalde, Sr Juncal, ordeou á policia municipal que cesaran no dispositivo e deixaran entrar ás persoas que quedaban fóra. Unha vez que veciñanza e ecoloxistas, coñeceron que xa se aprobara o proxecto de urbanización, comezaron as críticas e berros de xenreira, pola actitude do Alcalde, concelleira e concelleiros que apoiaron cos seus votos a destrución da Fraga e a súa sustitución por unha urbanización de luxo.

A veciñanza e organizacións ecoloxistas, en roda de prensa, denunciaron a actitude antidemocrática da Alcaldía, que este goberno municipal non defende os intereses da veciñanza nin o patrimonio natural do Concello; sacrificando un dos escasos espazos naturais de interese paisaxístico e ecolóxico do Concello; anunciaron recursos contra o acordo plenario e que defenderan a Fraga de Menáncaco até conseguir unha proteción definitiva deste espazo natural.

O vindeiro Luns, 23 de Abril, terá lugar unha reunión da Comunidade Menáncaro con ADEGA, SGHN e VERDEGAIA, nos locais do Ateneo Ferrolán, para analizar a situación e avaliar as medidas de fefensa xa tomadas.

Estes foron o Alcalde, a concelleira e os concelleiros de Ferrol que votaron a favor do proxecto urbanístico que pretende destruír a Fraga de Menáncaro, a sabendas que é un acordo inxusto e que non se axusta á legalidade:

Juan Manuel Juncal Rodríguez (PP)
José Manuel Vilariño Anca (PP)
Manuel Honorio Bustabad Ferreiro (IF)
José Manuel Rey Varela (PP)
Marta Cerdido Pintos (PP)
Vicente Lorenzo Luque (PP)
Guillermo Evia Pérez (PP)
Amador Rodríguez Silvar (PP)
Francisco Pita-Romero Caamaño (IF)
Leopoldo Ibáñez Santiago (IF)
José Manuel Couce Fraguela (IF)
José Luis Amado Caeiro (IF)

Ausentouse do pleno, cando se realizou a votación, Juan José Fernández García (IF), por ser unha parte interesadísima en todo este negocio.

Enlazar co artigo Defendamos a Fraga de Menáncaro

Ferrol, 20 de Abril de 2007
_____________

Do Blog "Fraga de Menáncaro Formación Senlleira," da Comunidade Menáncaro.

Filme realizado pola SGHN e ADEGA, onde se pode apreciar a imensidade e o valor da fraga no seu conxunto. Filme realizado pouco despois de saberse que a Fraga de Menáncaro estaba ameazada por unha posibél especulación urbanística.

En formato mpg, cunha duración 6 minutos 43 segundos.
Editado por SGHN e ADEGA, Novembro 2005
Feito por Yosy (c)

DISCO CDR. ...



________________

Comunidade Menáncaro
http://menancaro.blogspot.com

Fraga de Menáncaro Formación Senlleira
http://fragademenancaro.blogspot.com
--> Leer más...

Especulaçom avança em Ferrol: PP e IF aprovárom a substituiçom da Fraga de Menáncaro por umha urbanizaçom que enriquecerá a Juan Fernández

Nosup-trasancos -nosup-trasancos@nosgaliza.org-
20 de Abril de 2007 13:0
Responder a: Nosup-trasancos -nosup-trasancos@nosgaliza.org-

Especulaçom avança em Ferrol: PP e IF aprovárom a substituiçom da fraga de Menáncaro por umha urbanizaçom que enriquecerá Juan Fernández


A Assembleia Comarcal de NÓS-Unidade Popular quer manifestar o seu enérgico rechaço à aprovaçom, com os votos do PP e de Independientes por Ferrol, de um novo ataque especulador contra o património do povo de Ferrol.

A decisom tomada no pleno de hoje, que dá via livre à manobra financeira e urbanística que engrossará as contas do vice-presidente da Cámara, Juan Fernández, proprietário da maior parte dos terrenos, é umha mostra da aberrante política desenvolvida polos gángsters do PP e de IF. Nengum escrúpulo lhes permite tomar em consideraçom os protestos vicinais que venhem reclamando, durante os últimos anos, que se respeite a última fraga autóctone significativa existente no ámbito do Ferrol urbano.

Em lugar disso, os partidos governantes aprovárom a entrega dos terrenos às construtoras para que arrasem a carvalheira de Menáncaro, o que possibilitará, isso sim, um lucrativo negócio, nom só às construtoras, mas também ao vice-presidente da Cámara e máximo dirigente de IF, Juan Fernández.

A atitude das forças governantes, ao impedirem que a oposiçom popular acedesse ao pleno em que era votada a aberraçom urbanística e ambiental de Menáncaro, define bem quais som os limites da cacarejada "democracia" do PP e de IF. A deles é a "democracia" do assalto às instituiçons públicas para as colocarem ao serviço dos interesses privados das suas empresas amigas e dos próprios membros do Governo municipal. A corrupçom converte-se em roteiro político da direita espanhola governante.

Porém, o carácter especulador e delinqüente do actual governo municipal nom escusa a atitude e a responsabilidade das duas principais forças da oposiçom municipal: o PSOE e o BNG. Porque temos memória, devemos lembrar que foi a área de Urbanismo, em maos do BNG durante a etapa de coligaçom em Ferrol, a que requalificou os terrenos em causa e possibilitou assim o ataque contra um espaço de grande valor natural como é a carvalheira de Menáncaro.

NÓS-UP quer reiterar o seu apoio ao movimento vicinal, insistindo na necessidade de que continue a pressom contra o projecto da direita especuladora e em defesa dos nossos espaços naturais.

Defendámos Menáncaro!

Fora especuladores e corruptos!

Assembleia Comarcal de NÓS-Unidade Popular em Trasancos

Ferrol, 20 de Abril de 2007

--> Leer más...

quinta-feira, abril 19, 2007

Defendamos a Fraga de Menáncaro

Onte 18 de abril, ás 7 e 1/2 da tarde tivo lugar unha importante reunión da Comunidade Menáncaro e as organizacións ecoloxistas ADEGA, SGHN e VERDEGAIA, nos locais do Ateneo Ferrolán, diante dun eminente atentado ecolóxico que se vai cometer contra a Fraga de Menáncaro este venres, 20 de abril, ás 9 e 1/2 da mañá nun Pleno Extraordinario do Concello de Ferrol.

A reunión tivo moito éxito, non só pola asistencia de persoas, senón polo unanime interese e preocupación, pola situación que se está dando sobre todo este proceso e en particular pola intención manifesta dos que hoxe están gobernando no Concello [PP e IF], de aprobar o Plano de Sectorización de Menáncaro-Serantes, alegando "silencio administrativo positivo".

As persoas e entidades reunidas acordamos reiterar que de producirse un acordo no Pleno Municipal no sentido xa citado, sería política e eticamente deplorábel, cometeríase un atentado ecolóxico e un delito penal por prevaricación, ademais de ser nulo de pleno dereito e ilegal:

Porque Concello non pode alegar silencio administrativo, sen ter en conta o Informe [REX. Nº 037435 e data 01.12.2006], da D. X. de Urbanismo, DESFAVORÁBEL AO PLANO DE SECTORIZACIÓN, pois considerámolo vinculante e preceptivo, como así dispón a lexislación vixente no artigo 86.1.d) da Lei 9/2002, de ordenación urbanística e protección de medio rural de Galicia, modificada pola Lei 15/2004. Polo que consideramos que non se pode aplicar silencio administrativo, pola excepción clara que se indica no Artigo 90.3 da Lei 9/2002 que non foi modificado pola 15/2004 na sua nova redacción. Este artigo establece “que non se aplicará o silencio administrativo estimatorio cando os plans ou instrumentos contuviesen determinacións contrarias á Lei, aos plans de superior xerarquía ou ás directrices de ordenación do territorio de Galiza”. E a propia resolución da Dirección Xeral fai mención expresa a que o Plano de Sectorización Menáncaro-Serantes non se axusta ao PXOM, que incumpre a Lei do Solo e que non respecta as áreas de protección do contorno do río Aneiros e das masas de caducifolias.

Porque non pode alegar Silencio Administrativo positivo, sen antes contestar ao Informe da Dirección Xeral de Calidade e Avaliación Ambiental, emitido con data do 16 de Outubro de 2006, e número de Rex. 017746, onde se lle empraza, ao Concello, a someter o Plano de Sectorización ao trámite de Avaliación do Impacto Ambiental, considerando a revisión do Estudo de Impacto Ambiental presentado no seu día, e completar este cunha serie de informes [da D. X. de Conservación da Natureza, da D. X. de Patrimonio Cultural e de Augas de Galicia], outros trámites e actuacións, así como efectuar o trámite de información pública; chegando a cualificar a Fraga como unha zona de importancia ecolóxica e paisaxística.

Porque ademais é que unha vez que o primeiro Informe preceptivo desa Dirección Xeral de Urbanismo foi desfavorábel ao proxecto urbanístico, estamos a falar do primeiro con data de febreiro de 2006, a empresa promotora citada, presentou, en abril de 2006, un novo planeamento modificado, informado favorabelmente polos ténicos municipais, mais o concello non cumpríu co disposto na lexislación vixente de sometelo a información pública polo prazo dun mes mediante anuncio, incumprindo co establecido no artigo 86 da Lei 9/2002 de 30 de decembro de ordenación urbanística e protección do medio rural de Galicia.

Pola incongruencia que supón que o Concello de Ferrol, dentro das súas rutas turísticas polo termino municipal, que son poucas, inclúa a da Fraga de Menáncaro, presentadoa con varios mapas e fotografias e a seguinte lenda:

"DESCRIPCIÓN DA RUTA
Sendeiro interior que xunto có da Cabana son os únicos que recorren soutos e fragas de castiñeiros e carballos, no caso de Menáncaro, centenarios, visitando así un dos poucos reductos deste tipo de bosques autóctonos que quedan no Concello. Para velos mellores exemplares de carballo deberá subir polo monte que queda á esquerda do camiño uns 10 ou 15 metros. Remontando o Río Sardiña chégase ás pistas da parcelaria, perfectas para percorrer en bici, podéndonos acercar tamén ó Castro de Ferreiros, cuberto polo bosque pero que aínda permite adiviñalas súas fortalezas e fosos. A dificultade é mínima e o percorrido efectúase nunha hora."

Pola contradición manifesta que suporía coa decisión anterior [Agosto 2006] do Concello de Ferrol de solicitar que a Fraga de Menáncaro sexa incluida no Catálogo Galego de Árbores e Formacións Senlleiras, por considerala un espazo natural e paixasístico merecedor dunha especial conservación.

Porque Juan José Fernandez García, Teniente Alcalde do Concello de Ferrol, e o verdadeiro promotor do proxecto urbanístico xunto coa empresa SAT AGROPINO 735 XUGA, propiedade de Amando Romero Castrillón, que chegaron a un acordo coa entidade mercantil BROS NOROESTE EMPRESA INMOBILIARIA S.L., mediante unha opción de compra escriturada ante notario [11.11.2004]. Estes son os propietarios do 73,68 % da superficie delimitada no Plano de Sectorización e maiores beneficiarios de que este Plano se aprobe. Esta opción de compra, na súa redacción pode que conteña supostos delitos penais de cohecho e tráfico de influencias, custións que ter que investigar a fiscalía.

Porque a principal parcela do Plano de sectorización que supón case o 75% da delimitacíón, na mitade indivisa que lle corresponde a Juan José Fernández García, ten unha carga en forma de dúas hipotecas, unha por un principal de 124.977 € e outra por un principal de 201.837 €, a favor de Manuel Santalla Gato e Francisca Peñazola Torres. Mais non só iso senón que tamén hai tres embargos, para resoponder por 325.737,74 € cada un, segundo autos seguidos co nº 755/2004 no Xulgado Nº de Ferrol. Como se pode apreciar as cantidades coincien na súa suma, mais as persoas, " a favor" cambian, todo segundo consta no Rexistro da Propiedade de Ferrol. Polo que se pode presupoñer que todo este tinglado económico financieiro de prestamos e prestamistas, como o pagaré pola opción de compra, sexa o argumento de peso mais importante para que o proxecto urbanístico sexa aprobado en sesión plenaria. Só é unha suposición, pois probas non hai.

Porque en Setembro de 2001 relizouse na Fraga de Menáncaro unha tala indiscriminada ilegal de todo o bosque de ribeira por parte de Juan José Fernández García e Amando Romero Castrillón, propietarios e autores da mesma, onde interveu, na paralización tardía, a administración autonómica e a policía municipal do Concello, pola que foron expedientados.

Por todo isto demandamos que o proxecto urbanístico definitivamente non se aprobe, que se recalifique a zona cunha figura de protección total e expresa para toda a Fraga de Menáncaro, por considerar a zona, merecedora de normas protectoras específicas, dado o seu interese natural, didáctico, científico, cultural, paisaxístico e ecolóxico do conxunto do hábitat natural e dalgunhas das árbores e espécimes da flora existentes na Fraga, xa que constitúe un patrimonio natural e cultural valioso, de interese público, e unha das escasísimas e reducidísimas mostras de bosque autóctono existentes no Concello de Ferrol, irrecuperábel no caso da súa destrución ou desaparición.


Acordamos:

Facer unha chamamento á cidadanía para que acudan ao pleno deste venres 20 de abril e ser testemuñas da ilegalidade que pretenden levar a cabo os grupos que hoxe gobernan no Concello de Ferrol.

Poñernos en contacto telefónico con Presidencia, Dirección Xeral de Urbanismo e Dirección Xeral de Calidade e Avaliación Ambiental, para que interveñan diante deste intento de atentado ecolóxico que sería aprobar definitivamente o proxecto de urbanización.

Achegarnos até os Xulgados de Ferrol para poñer en coñecemento do Fiscal que se vai cometer un delito de prevaricación, artigo 404 do Códigopenal en vigor.

Informar ao Fiscal de Medio Ambiente que ten sede en Compostela deste atentado Ecolóxico.

No caso de producirse unha aprobación no Pleno extraordinario, solicitar aos grupos políticos da opisición que interpoñan recurso de reposición.

Igual que un grupo de veciños e veciñas xa teñen, a nível particular contratado os servizos dun bufete de advogados da cidade, a Comunidade Menáncaro, xa o ten preparado a través de ARDEFA, para que interpoña un recurso de reposición e no seu caso continuar con un proceso xudicial até o final.

Convocar unha nova reunión nos locais do Ateneo Ferrolán, o vindeiro Luns 23 de Abril ás 19:30 hrs.

___________
--> Leer más...

quarta-feira, abril 18, 2007

Observa a Fraga de Menáncaro desde o satélite

--> Leer más...

Pretenden aprovar a urbanizaçom por silêncio administrativo esta Sexta-Feira 20 de abril: Convocatória de Reuniom urgente no Ateneo Ferrolán

Este venres 20 de Abril, en Pleno extraordinario ás 9 e 1/2 da mañá, pretenden aprobrar o Plano de Sectorización Menáncara-Serantes, para que o "Pleno da Corporación se pronuncie sobre a aprobación definitiva por silencio administrativo positivo".

Ao noso entender o Concello non pode alegar silencio administrativo, sen ter en conta o Informe [REX. Nº 037435 e data 01.12.2006], desa D. X. de Urbanismo, DESFAVORÁBEL AO PLANO DE SECTORIZACIÓN, pois considerámolo vinculante e preceptivo, como así dispón a lexislación vixente no artigo 86.1.d) da Lei 9/2002, de ordenación urbanística e protección de medio rural de Galicia, modificada pola Lei 15/2004. Polo que consideramos que non se pode aplicar silencio administrativo, pola excepción clara que se indica no Artigo 90.3 da Lei 9/2002 que non foi modificado pola 15/2004 na sua nova redacción. Este artigo establece "que non se aplicará o silencio administrativo estimatorio cando os plans ou instrumentos contuviesen determinacións contrarias á Lei, aos plans de superior xerarquía ou ás directrices de ordenación do territorio de Galiza". E na propia resolución desa Dirección Xeral faise mención expresa a que o Plano de Sectorización Menáncaro-Serantes non se axusta ao PXOM, que incumple a Lei do Solo e que non respecta as áreas de protección do contorno do río Aneiros e das masas de caducifolias.

A Comunidade Menáncaro diante deste anuncio, vai ter unha reunión no Ateneo Ferrolán hoxe, 18 de Abril as 20:00 hs, para analizar a situación e propoñer medidas concretas a realizar, desde accións até xudicializar o asunto poñendo en mans do fiscal toda a documentación adiantadndoque no Concello de ferrol, vaise cometer un delito urbanístico de prevaricación, ademais dun atentado ecolóxico contra un espazo natural único no concello.

Achegamos escrito en anexo que apresentamos hoxe no rexistro da Xunta de Galicia, dirixido á Dirección Xeral de Urbanismo, así como o que lle entregou onoso representante Ramón Regueiro ao Presidente da Xunta de Galicia o pasado 14 de abril, nunha entrevista que mantivo con el, onde lle solicitou que fixera todo o posíbel para paralizar este atentado ecolóxico.

Convidamos tamén a ADEGA, SGHN e VERDEGAIA.

Ramón Regueiro Santiago
Lugar de Quiá, 180
Serantes-Ferrol [15405]

Telefono.: 981327494
Telemóbel: 630287900

correio-e:
menancaro@gmail.com

Blog da Comunidade Menáncaro:
http://menancaro.blogspot.com

Blog Menáncaro Formación Senlleira:
http://fragademenancaro.blogspot.com/

--> Leer más...

Escrito que enviamos à Dirección Xeral de Urbanismo, diante da pretensom do Concelho de Ferrol de aprovar alegando silêncio administrativo

A ATENCIÓN DA A DIRECCIÓN XERAL DE URBANISMO
CONSELLERÍA DE POLÍTICA TERRITORIAL, OBRAS PÚBLICAS E TRANSPORTES
SANTIAGO DE COMPOSTELA


Ramón REGUEIRO SANTIAGO, con DNI 32591787-M, e enderezo a efectos de notificación no Lugar de Quiá, 180 -Fraga de Menáncaro-, Serantes-Ferrol [15405], no nome propio e en representación da Comunidade Menáncaro, organismo de participación cidadán para a defensa da Fraga de Menáncaro comparece e DI:

Que o pasado 14 de Febreiro deste ano 2007, presentamos un escrito no rexistro do Edificio Administrativo que ten a Xunta de Galicia en Ferrol, onde despois dunha amplia exposición de como está a situación en referencia á Fraga de Menáncaro e o Plano de Sectorización que a pretende anular como espazo natural de grande valor ecolóxico, alertabamos, da intención do Xunta de Goberno Municipal do Concello de Ferrol de aprobar o citado Plano, alegando SILENCIO ADMINISTRATIVO. Polo que, diante da situación, solicitavamos que actuaran e resolveran en consecuencia, antes de que se consumaran os feitos, advertindo ao Concello do impropio e ilegal da súa actuación e ao mesmo tempo solicitabamos que tiveran a ben concedernos unha entrevista. Tamén achegabamos unha serie de documentación referente aos informes dos técnicos municipais, empresa promotora e secretaría do Concello de Ferrol.

Que o pasado 13 de Abril a Comisión Municipal de Urbanismo, a proposta do Concelleiro Delegado, acordou dar por aprobado presunta e definitivamente o Plano de Sectorización Menáncaro-Serantes alegando Silencio Administrativo, por entender que o Informe preceptivo desa Dirección Xeral de Urbanismo, desfavorabel ao citado Planeamento Urbanístico, foi remitido ao Concello fora de prazo. Acordando levar o asunto a un Pleno.

Que reiteramos, outra vez, que unha vez que o primeiro Informe preceptivo desa Dirección Xeral de Urbanismo foi desfavorábel ao proxecto urbanístico, a empresa promotora citada, presentou, en Abril de 2006, un novo planeamento modificado, informado favorabelmente polos ténicos municipais, mais o concello non cumpliu co disposto na lexislación vixente de sometelo a información pública polo prazo dun mes mediante anuncio, incumprindo co establecido no artigo 86 da Lei 9/2002 de 30 de decembro de ordenación urbanística e protección do medio rural de Galicia.

Que ao noso entender o Concello non pode alegar silencio administrativo, sen ter en conta o Informe [REX. Nº 037435 e data 01.12.2006], desa D. X. de Urbanismo, DESFAVORÁBEL AO PLANO DE SECTORIZACIÓN, pois considerámolo vinculante e preceptivo, como así dispón a lexislación vixente no artigo 86.1.d) da Lei 9/2002, de ordenación urbanística e protección de medio rural de Galicia, modificada pola Lei 15/2004. Polo que consideramos que non se pode aplicar silencio administrativo, pola excepción clara que se indica no Artigo 90.3 da Lei 9/2002 que non foi modificado pola 15/2004 na sua nova redacción. Este artigo establece “que non se aplicará o silencio administrativo estimatorio cando os plans ou instrumentos contuviesen determinacións contrarias á Lei, aos plans de superior xerarquía ou ás directrices de ordenación do territorio de Galiza”. E na propia resolución desa Dirección Xeral faise mención expresa a que o Plano de Sectorización Menáncaro-Serantes non se axusta ao PXOM, que incumple a Lei do Solo e que non respecta as áreas de protección do contorno do río Aneiros e das masas de caducifolias.
Que o pasado 14 de Abril, entrevistámonos e entregámoslle unha carta ao Presidente da Xunta de Galicia informándolle desta situación e solicitándolle que fixera todo o posíbel para paralizar este atentado ecolóxico, pois consideramos que a Fraga de Menáncaro é merecedora de normas protectoras específicas, dado o seu interese natural, didáctico, científico, cultural, paisaxístico e ecolóxico do conxunto do habitat natural e dalgunhas das árbores e especimes da flora existentes no lugar, xa que constitúe un patrimonio natural e cultural valioso, de interese público, e unha das escasísimas e reducidísimas mostras de bosque autóctono existentes en Ferrol, irrecuperábel no caso da súa destrución ou desaparición.

Que a última hora da mañá de hoxe, informaron que o Plano de Sectorización vai ser un ponto a tratar nun Pleno Municipal Extraordinario o vindeiro venres, 20 de abril, ás 9 da mañá, para que o “Pleno da Corporación se pronuncie sobre a aprobación definitiva por silencio administrativo positivo”.

Polo EXPOSTO,

SOLICITA, que teñan a ben admitir este escrito coa documentación que achegamos e mais abaixo relacionamos, que actuen, en consecuencia antes de que se consumen os feitos, advertindo ao Concello do impropio e ilegal da súa actuación .

Agardando unha rápida e positiva actuación e resposta ao solicitado, depide-se atentamente, en Ferrol a 17 de abril de 2007.

Asinado no nome propio e da Comunidade Menáncaro.

Ramón Regueiro Santiago
DNI 32591787-M
Lugar de Quiá, 180
Serantes-Ferrol [15405]

Telefono.: 981327494
Telemóbel: 630287900

correio-e:
menancaro@gmail.com
Blog da Comunidade Menáncaro:
http://menancaro.blogspot.com
Blog Menáncaro Formación Senlleira:
http://fragademenancaro.blogspot.com/





Relación da documentación que se achega:

1.- Informe do Arquitecto Municipal de Planeamento e Xestión, con data do 2 de febreiro de 2007.

2.- Informe do Secretario Xeral do Concello de Ferrol, denominado “Informe Plan de Sectorización de Menáncara”, con data do 30 de marzo de 2007. [Sete follas]
--> Leer más...

segunda-feira, abril 16, 2007

Estimado Sr. Presidente da Xunta de Galicia

O passado Sábado, 14 de Abril, o nosso companheiro Ramón Regueiro entregou unha carta ao Presidente da Xunta de Galicia Sr. Touriño, onde explica a situaçom e solicita a intervençom da Presidência para evitar o Antetado Ecológico que pretendem levar adiante os Governantes Municipais contra a Fraga de Menáncaro. A continuaçom transcrevemos a Carta:



Estimado Sr. Presidente da Xunta de Galicia


Son un traballador prexubilado do naval de Ferrolterra, en cocreto da antigua ASTANO, veciño da parroquia de Serantes concello de Ferrol, dun lugar que lle chaman Quiá en plena Fraga de Menáncaro, alí vivo nunha casa eminentemente rural, mais en perigo de convertirse en urbana de xeito traumático, só por mor da especulación urbanística. Isto non tería maior trascendencia, só na miña persoa e da miña númerosa familia, se non fose que o que está en perigo é un dos espazos naturais mais importantes do Concello, estou a falar da xa citada Fraga de Menáncaro.

Desde que comezou esta loita, é moito o que levo aprendido, nun principio o facía polo que me tocaba de persoal e por simple instinto, sabía que isto de destruir a Fraga coa súa carvalleira, os prados, o bosque do río e o mesmo río, non podía ser bon, ainda que o poñan todo tan lindo con 69 chales a maioría de luxo e un complexo hoteleiro, a uns metros a miña casa, xa sen terra na que plantar nen pasear.

Antes decía desde que comezou esta loita, pois si digo ben, pois estou integrado en algo que lle chamamos Comunidade Menáncaro, un organismo de participación cidadán que integramos grupos ecoloxistas, culturais e o colectivo veciñal ao cal pertenzo.

Non o vou molestar moito, pois o que levamos feito “daquí pra lá, da lá pra cá”, centos de papeis e entrevistas, é demasiado para poder poñer nesta carta, se o ten a ben, podemos entregar toda a documentación, mais non creo que faga falta pois nas Direccións Xerais das Consellerías implicadas está todo, e a intervención destas, foi desfávorábel a que se faga o proxecto urbanístico. Ainda así, os grupos que gobernan hoxe no Concello, pretenden aprobar o Plano de Sectorización de Menáncaro alegando silencio administrativo, da administración que Vostede ten o honor de presidir.

Paso a explicar un pouco de que vai o asunto utilizando escritos xa feitos con antelación:

A Fraga de Menáncaro está situada no val do río Aneiros, contributario do río da Sardiña, na parroquia de Serantes, esta fraga conforma un habitat natural de máis de 10 ha de superficie. É unha das poucas manchas de bosque autóctono que se conserva no concello, xunto coa Fraga de Monte Fontelo (A Graña), Fraga da Pega e da Casa do Monte (Leixa) e o Acivreiral das Forxas (Covas), espazos naturais que tamén se deberían conservar e protexer. Un dos feitos que fai de Menáncaro unha zona cunha carvalleira singular é a presencia de carvallos centenarios de porte excepcional, base dun bosque maduro e de gran biodiversidade.

Na Fraga de Menáncaro, hai especies singulares e de grande valor, protexidas por normativas en vigor é únicas no contorno, especies de interese consideradas como "vulnerabeis" no borrador do listado de flora ameazada da Xunta de Galicia e outras que están incluídas no listado sinalado como especies "de interese especial".

O lugar é merecedor de normas protectoras específicas, dado o seu interese natural, didáctico, científico, cultural, paisaxístico e ecolóxico do conxunto do habitat natural e dalgunhas das árbores e especimes da flora existentes na Fraga, xa que constitúe un patrimonio natural e cultural valioso, de interese público, e unha das escasísimas e reducidísimas mostras de bosque autóctono existentes en Ferrol, irrecuperábel no caso da súa destrución ou desaparición.

Na actualidade, a Fraga de Menáncaro está ameazada por mor da especulación urbanística, promovida por BROS NOROESTE EMPRESA INMOBILIARIA S.L. e da man do Tenniente Alcalde, Juan José Fernández García, un dos maiores beneficiarios da construción deste complexo especulativo que en vez de protexer a Carvalleira e o seu entorno, fai todo o contrario desde o seu posto no goberno municipal, poñendo toda a maquinaria administrativa do Concello a traballar para o seu beneficio particular.

Este venres, 13 de abril, a proposta do Concelleiro Delegado de Urbanismo, Guillermo Evia, a Comisión Municipal de Urbanismo, aprobou unha resolución para levar ao vindeiro Pleno do 26 deste mes, para que este se pronuncie sobre a aprobación presunta e definitiva do Plano de Sectorización de Menáncaro, por entender que se produzo silencio administrativo.

As persoas que formamos parte da Comunidade Menáncaro, vemos con preocupación esta decisión pois non deixa de ser unha irresponsabilidade, dado que o citado Plano non só é rexeitado de forma contundente pola veciñanza e entidades ecoloxistas e sociais do concello, senón que xa se teñen emitido até tres informes da administración autonómica, dous desfavorabeis ao Proxecto, por parte da Dirección Xeral de Urbanismo, e un da Dirección Xeral de Calidade e Avaliación Ambiental, onde se lle empraza, ao Concello, a someter o Plano de Sectorización ao trámite de Avaliación do Impacto Ambiental, considerando a revisión do Estudo de Impacto Ambiental presentado no seu día, e completar este cunha serie de informes [da D. X. de Conservación da Natureza, da D. X. de Patrimonio Cultural e de Augas de Galicia], outros trámites e actuacións, así como efectuar o trámite de información pública; chegando a cualificar a Fraga como unha zona de importancia ecolóxica e paisaxística. Mais os informes de mais peso son os preceptivos da Dirección Xeral de Urbanismo que por dúas veces veñen a informar desfavorabelmente á intervención urbanística na Fraga, alegando moitas deficiencias no propio Plano. Mais sobre todo cuestiona o conxunto do mesmo a delimitación da área; a conexión de infraestruturas; a súa inserción no territorio; a ordenación; a zonificación ... Todas cuestións que invalidan o proxecto urbanístico cualificando o espazo excesivamente reducido para a actuación que se pretende.

Por outra banda é moi contraditorio, co que agora pretenden, que no seu momento o Goberno Municipal, acordase solicitar que a Fraga de Menáncaro forme parte do Catálogo Galego de Arbores e Formacións Senlleiras, o que levaría parello unha especial protección da zona.

Noutra orde de cousas, os Planos de Sectorización en xeral, teñen que ter unha xustificación de peso para que os Concellos dean o seu visto bon, e mire por onde se mire a xustificación alegada pola empresa promotora: a falta de oferta de vivenda en Ferrol, o despegue industrial da zona e unha grande demanda deste tipo de vivendas, perde todo o peso do mundo, cando segundo dados do IGE, Ferrol perdeu máis 5.000 habitantes nunha só década [1991-2001], hai máis de 7.500 vivendas baleiras, todos dados tirados de 2001; a poboación de Ferrol segue baixando se no 2001 eramos 77.930, neste momento con datos do padron de 2006 somos 76.399, dos cais sobre unhas 17.000 son persoas que superan os 65 anos de idade; o índice de envellecemento [relación entre a poboación maior de 64 anos e a poboación menor de 20 anos] na cidade era, en dados do 2005, 144,77, cando a media de Galiza está en 130,04. Segundo os dados oficiais, Ferrol, segue sendo unha das zonas de Galiza máis deprimidas e cun maior índice de desemprego. Mais aínda se temos en conta as previsións de construción de vivenda que hai para Santa Icía, Santa Mariña e o Bertón, onde son máis de 2.000 as vivendas previstas de nova construción, a argumentación da promotora e o Concello aínda perde máis peso.

Chamamos a atención do que consideramos algo moi importante, dado o impopular e cuestionado, tanto administrativa como socialmente, proxecto urbanístico, este non se vai efectuar, pois que non lle quepa a menor dúbida de que nos poñeremos diante das máquinas para impedílo, mais unha vez aprobado en Pleno, aínda que sexa nulo de pleno dereito, o Concello probabelmente que teña que facer fronte a unha importante indemnización á empresa promotora, cos cartos de toda a cidadanía. Pois non é de recibo que inmersos xa, os partidos políticos, nun proceso electoral, estexamos a cidadanía baixo estas ameazas á veciñanza e ao medio ambiente.
Mais o verdadeiro argumento realmente fundamental é o innecesario e criminoso sacrificio dunha das escasísimas e reducidísimas mostras de bosque autóctono existentes no Concello de Ferrol, irrecuperábel no caso da súa destrución ou desaparición, para no seu lugar poñer 69 chales e un complexo hosteleiro e o grave do asunto é que un dos grandes beneficiarios da construción deste complexo especulativo non é outro que Juan José Fernández García, actual Teniente Alcalde de Ferrol, líder de Independentes por Ferrol, apoiado polos seus socios do PP no Goberno Municipal, que en vez de protexer o noso patrimonio natural colectivo, fai todo o contrario, pois tirou un beneficio particular, a todas luces eticamente deplorábel, sen entrar noutras valoracións que será o fiscal o que as determine no seu momento.

A Fraga de Menáncaro é un lugar merecedor de normas protectoras específicas, dado o seu interese natural, didáctico, científico, cultural, paisaxístico e ecolóxico do conxunto do habitat e dalgunhas das árbores e espécimes da flora existentes no lugar, xa que constitúe un patrimonio natural e cultural valioso, de interese público.

Desde as organizacións ecoloxistas e veciñais vímonos opoñendo, desde hai tempo, a tal agresión ao medio natural e demandamos para toda a Fraga unha figura de protección especial de todo o Espazo Natural, polo que reiteramos ao Concello de que unha vez por todas rexeite o Plano de Sectorización e chamamos a toda a cidadanía a secundar esta demanda, mesmo agora diante das próximas eleccións municipais, mais a Vostede SOLICITAMOSLLE QUE INTERVEÑA PARA EVITAR ESTE ATENTADO ECOLÓXICO, mesmo solicitando ás Direccións Xerais implicadas que atendan as nosas demandas remitidas en escrito urxente hai máis dun mes, onde informabamos das pretensións do Concello, de aprobar o proxecto especulativo alegando silencio administrativo. Sobre todo agora, é importante evitar este atentado ecolóxico, pois desde a propia ONU estase a facer un chamamento para protexer os espazos naturais e o medio ambiente para desacelerar o cambio climático que pode ser catastrófico para a humanidade e todas as especies do Planeta.

Ferrol - Serantes, a 14 de Abril de 2007

Asinado no nome propio e da Comunidade Menáncaro.

Ramón Regueiro Santiago
DNI 32591787-M
Lugar de Quiá, 180
Serantes-Ferrol [15405]

Telefono.: 981327494
Telemóbel: 630287900

correio-e:
menancaro@gmail.com
Blog da Comunidade Menáncaro:
http://menancaro.blogspot.com
Blog Menáncaro Formación Senlleira:
http://fragademenancaro.blogspot.com/
--> Leer más...

Pretenden dar por aprovado presunta e definitivamente o Plano de Sectorizaçom de Menáncaro, por entender que se prozuço Silêncio Administrativo

A continuaçom trancrevemos, pola sua importáncia, umhas notícias , referentes ao acontecido na Comisión Municipal de Urbanismo a passada Sexta-Feira, 13 de Abril de 2007, onde a citada Comissom, deu o visto bom a umha proposta do Concelheiro Guillermo Evia, de dar por aprovado presunta e definitiva mente o Plano de Sectorización de Menáncaro - Serantes, por entender que se prozuço Silêncio Administrativo, por parte da Xunta de Galicia ao emitir as Conselherias implicadas sendos informes fora de prazo.

Nota as fotografias som de Miguel Anxo.




Diario de Ferrol
14 de Abril de 2007

O pleno deberá ratificar a aprobación do plan de Menáncaro
O grupo de goberno, cos votos a favor de PP e IF e o rexeitamento de BNG e EU-IU -o PSOE reservouse para o pleno-, deu o visto bo ao plan de sectorización de Menáncaro, alegando silencio administrativo da Xunta, que emitiu un informe desfavorable fose de prazo. O dictame do secretario foi decisivo para que Urbanismo incluíse este punto na orde do día.

REDACCIÓN > FERROL

O pleno da corporación terá a última palabra para dar o visto bo ao plan de sectorización de Menáncaro, un polémico proxecto impulsado pola promotora Bros Noroeste que se traduciría na construción de 69 chalés de luxo e un hotel nesta zona pertencente á parroquia ferrolana de Serantes. Onte, a comisión de Urbanismo ditaminou favorablemente a proposta, que recibiu os votos dos socios de goberno, PP e IF, e o rexeitamento de BNG e Esquerda Unida-Esquerda Unida. O PSOE, pola súa banda, reservouse a súa opinión para o pleno, que en principio sería o ordinario de fin de mes -previsto para o día 26-, aínda que este punto podería incluírse nunha sesión extraordinaria anterior en caso de celebrarse e se así o decidise o alcalde.

A aprobación definitiva baseouse, por parte do concelleiro delegado de Urbanismo, Guillermo Evia, no silencio administrativo da Xunta. Neste sentido, cabo recordar que a Dirección Xeral de Urbanismo emitiu un informe desfavorable a devandita iniciativa, aínda que este realizouse fóra de prazo.

Como indicou o edil "popular", o secretario municipal realizou un informe no que conclúe que tendo en conta a mencionada circunstancia, que o Concello seguiu as canles pertinentes e, á vista de que os dictames favorables do oficial maior e do arquitecto municipal -este último afirma que o plan de sectorización non incumple ningunha norma urbanística-, a iniciativa quedou aprobada por silencio administrativo.

"Queixume profundamente que non se emitiron os informes en prazo", manifestou onte Evia, que engadiu que "á vista deste último informe (o do secretario), hai que entendelo aprobado".

A resposta dos grupos da oposición non se fixo esperar. O BNG, que votou en contra por entender que non cabo a posibilidade de aplicar este criterio legal, asegurou que discrepa "abertamente" dos informes que sustentan a aprobación do plan de sectorización. En concreto, os nacionalistas consideran que o silencio administrativo "non é posíbel, posto que a urbanización prevista incumpre a Lei do Só de Galiza", tal e como poñen de manifesto nos seus dictames desfavorables as Consellerías de Política Territorial e Medio Ambiente. Ademais, afirma o Bloque que o goberno local non actúa con transparencia, recordando que o alcalde, Juan Juncal, "non deu as explicacións oportunas a respeito dá participación do primeiro tenente de alcalde neste proxecto urbanístico".

Tamén EU-IU denunciou a aprobación do plan de sectorización, destacando que "ou goberno local, facendo oídos xordos a reiterados informes desfavorables da Xunta, obstínase en levar adiante este gravísimo ataque a un espazo único para a nosa bisbarra". "Só intereses espúrios poden explicar a teimosía coa que se quere agredir ou patrimonio natural de todos nós", indicaron.

O PSOE, pola súa banda, decidirá a súa postura a principios da próxima semana. Segundo fontes do partido, "a nivel legal está ben atado", aínda que "ademais dá legalidade temos que valorar a nosa postura política".

O voto dos socialistas podería ser decisivo se se producise a ausencia dun só concelleiro do grupo de goberno, xa que Juan Fernández non pode votar debido ao seu implicación coa iniciativa -da que xa informou este diario-. No caso de que o PSOE votase en contra e asistisen os 24 concelleiros -sen Fernández-, o alcalde, co voto de calidade, rompería o empate.

Enlace com a notícia Original no Diario de Ferrol


___________________

La Voz de Galicia
Sábado, 14 de Abril de 2007

A coalición decide urbanizar Menáncaro tras alegar silencio do Goberno galego

A coalición de goberno municipal amparouse onte no «silencio administrativo» da Xunta para aprobar, en Comisión de Urbanismo, a urbanización da zona de Menáncaro, en Serantes, onde se prevé a construción duns 70 chalés e un hotel a cargo dunha promotora privada, Bros Noroeste. A aprobación inicial haberá aínda de ser ratificada no pleno do Concello, de onde haberá de ausentarse o primeiro tenente de alcalde, Juan Fernández (líder de IF), pois ten intereses nesa zona.

Enlace com a notícia original e completa em La Voz de Galicia


____________________

Diario de Ferrol
15 de Abril de 2007

A SGHN rexeita que se usen escusas para aprobar o plan de Menáncaro
A aprobación, por parte da comisión de Urbanismo, do plan de sectorización de Menáncaro provocou diversas críticas, entre elas das principais entidades ecologistas da comarca. A Sociedade Galega de Historia Natural rexeita que se utilice neste caso a figura de silencio administrativo.

REDACCIÓN > FERROL

Como subliña esta entidade ecologista, o argumento esgrimido polo grupo de goberno para ditaminar favorablemente en comisión de Urbanismo o plan de sectorización de Menáncaro non é válido nesta ocasión, malia que o informe desfavorable da Dirección Xeral de Urbanismo enviouse fóra de prazo. Neste sentido, a SGHN refírese á Lei do Só de Galicia, que establece que "non aplicarase a silencio administrativo estimatorio cando vos plans ou instrumentos contivesen determinacións contrarias á lei, ós plans de superior xeraquía ou as directrices de ordenación do territorio de Galicia".

Así, a Sociedade Galega de Historia Natural destaca que na contestación da Dirección Xeral de Urbanismo ao Concello indicaba expresamente que o Plan de Menáncaro non se axusta ao PXOM, que incumple a Lei do Só e que non respecta as áreas de protección do contorno do río Sardina e das masas de caducifolias.

"Aínda tendo en conta ou incumprimento dous prazos de contestación, ninguén dubida do informe, non que xa se dixo que se observan claros incumprimentos dá lei, ou que nos leva a preguntarnos con que argumentos pretende aprobar este plan sectorial un goberno que ten a obriga de velar pola conservación do seu patrimonio natural e que, non seu día, propuxo este espazo para formar parte do Catálogo de Árbores e Formacións Senlleiras de Galicia", indican desde a agrupación ecologista.

Para a SGHN, se o pleno da corporación dese o visto bo ao plan, estaríase incumpliendo a Lei do Só, o que, engade, "daría lugar á consecuente sanción por parte dá administración, con cargo ás arcas públicas".

Precisamente con respecto á aprobación plenaria desta achaiadura, fontes consultadas afirmaron que o grupo municipal socialista votará en contra, o que sumado a BNG e EU-IU, daría un total de 12 votos. Na mesma situación atoparíase a coalición de goberno, PP e IF, xa que, polo menos en principio, Juan Fernández, como titular de parte dos terreos, non podería pronunciarse. Por iso, sería imprescindible a presenza dos 12 edís, e aínda así sería necesario o voto de calidade do alcalde.

Enlace com a notícia original no Diario de Ferrol
____________
--> Leer más...

sexta-feira, abril 13, 2007

Aprovárom na Comisión Municipal de Urbanismo a resoluçom para levar ao Pleno a aprovaçom presunta do projecto urbanístico

A Fraga de Menáncaro em Fevereiro de 2005
Clicar acima da imagem para ampliar


Hoje amanhá [13.04.2006], na Comisión Municipal de Urbanismo do concello de Ferrol, aprovou-se a resoluçom de levar ao Pleno Municipal a aprovaçom presunta e definitiva do Plano de Sectorización de Menáncaro, por entender de que se produzo silêncio administrativo. No edíficio municipal onde tinha lugar a reuniom juntárom-se vecinhança do lugar da Comunidade Menáncaro e activistas do grupo VERDEGAIA para protestar pola resoluçom.

Desde a Comunidade Menáncaro reireramos a nosa oposiçom ao atentado ecológico que pretendem realizar na Fraga os amigos da especulaçom urbanística.

Manifestamos umha vez mais que nos oponheremos com todas as nossas forças a esta nefasta intervençom municipal, até conseguir a proteçom integral do Espaço Natural que forma a Fraga no seu conjunto.
--> Leer más...

Pretenden aprobar o Plano de Sectorización por silencio administrativo

Este venres, 13 de abril, o Concelleiro Delegado de Urbanismo, Guillermo Evia, pretende que a Comisión Municipal de Urbanismo, nunha sesión que está previsto que se celebre ás 10:00 hs, aprobe unha resolución para levar ao vindeiro Pleno do 26 deste mes, para que este se pronuncie sobre a aprobación presunta e definitiva do Plano de Sectorización de Menáncaro, por entender que se produzo silencio administrativo.

As persoas que formamos parte da Comunidade Menáncaro, vemos con preocupación esta iniciativa do Sr. Evia, pois non deixa de ser unha irresponsabilidade, dado que o citado Plano non só é rexeitado de forma contundente pola veciñanza e entidades ecoloxistas e sociais do concello, senón que xa se teñen emitido até tres informes da administración autonómica, dous desfavorabeis ao Proxecto, por parte da Dirección Xeral de Urbanismo, e un da Dirección Xeral de Calidade e Avaliación Ambiental, onde se lle empraza, ao Concello, a someter o Plano de Sectorización ao trámite de Avaliación do Impacto Ambiental, considerando a revisión do Estudo de Impacto Ambiental presentado no seu día, e completar este cunha serie de informes [da D. X. de Conservación da Natureza, da D. X. de Patrimonio Cultural e de Augas de Galicia], outros trámites e actuacións, así como efectuar o trámite de información pública; chegando a cualificar a Fraga como unha zona de importancia ecolóxica e paisaxística. Mais os informes de mais peso son os preceptivos da Dirección Xeral de Urbanismo que por dúas veces veñen a informar desfavorabelmente á intervención urbanística na Fraga, alegando moitas deficiencias no propio Plano. Mais sobre todo cuestiona o conxunto do mesmo a delimitación da área; a conexión de infraestruturas; a súa inserción no territorio; a ordenación; a zonificación ... Todas cuestións que invalidan o proxecto urbanístico cualificando o espazo excesivamente reducido para a actuación que se pretende.

Por outra banda é moi contraditorio, co que agora pretenden, que no seu momento o Goberno Municipal, acordase solicitar que a Fraga de Menáncaro forme parte do Catálogo Galego de Arbores e Formacións Senlleiras, o que levaría parello unha especial protección da zona.

Noutra orde de cousas, os Planos de Sectorización en xeral, teñen que ter unha xustificación de peso para que os Concellos dean o seu visto bon, e mire por onde se mire a xustificación alegada pola empresa promotora: a falta de oferta de vivenda en Ferrol, o despegue industrial da zona e unha grande demanda deste tipo de vivendas, perde todo o peso do mundo, cando segundo dados do IGE, Ferrol perdeu máis 5.000 habitantes nunha só década [1991-2001], hai máis de 7.500 vivendas baleiras, todos dados tirados de 2001; a poboación de Ferrolsegue baixando se no 2001 eramos 77.930,neste momento con datos do padron de 2006 somos 76.399, dos cais sobre unhas 17.000 son persoas que superan os 65 anos de idade; o índice de envellecemento [relación entre a poboación maior de 64 anos e a poboación menor de 20 anos] na cidade era, en dados do 2005, 144,77, cando a media de Galiza esta en 130,04. Segundo os dados oficiais, Ferrol, segue sendo unha das zonas de Galiza máis deprimidas e cun maior índice de desemprego. Mais aínda se temos en conta as previsións de construción de vivenda que hai para santa Icía, Santa Mariña e o Bertón, onde son mais de 2.000 as vivendas previstas de nova construción, a argumentación da promotora e o Concello aínda perde máis peso.

Chamamos a atención do que consideramos algo moi importante, dado o impopular e cuestionado, tanto administrativa como socialmente, proxecto urbanístico, este non se vai efectuar, mais unha vez aprobado en Pleno, aínda que sexa nulo de pleno dereito, o Concello probabelmente que teña que facer fronte a unha importante indemnización á empresa promotora,cos cartos de toda a cidadanía. Non é de recibo que inmersos xa, os partidos políticos, nun proceso electoral, estexamos a cidadanía baixo estas ameazas à veciñanza e ao medio ambiente.

Mais o verdadeiro argumento realmente fundamental é o innecesario e criminoso sacrificio dunha das escasísimas e reducidísimas mostras de bosque autóctono existentes no Concello de Ferrol, irrecuperábel no caso da súa destrución ou desaparición, para no seu lugar poñer 69 chales e un complexo hosteleiro e o grave do asunto é que un dos grandes beneficiarios da construción deste complexo especulativo non é outro que Juan José Fernández García, actual Teniente Alcalde de Ferrol, líder de Independentes por Ferrol, apoiado polos seus socios do pp no Goberno Municipal, que en vez de protexer o noso patrimonio natural colectivo, fai todo o contrario, pois tirou un beneficio particular, a todas luces eticamente deplorábel, sen entrar noutras valoracións que será o fiscal o que as determine no seu momento.

A Fraga de Menáncaro é un lugar merecedor de normas protectoras específicas, dado o seu interese natural, didáctico, científico, cultural, paisaxístico e ecolóxico do conxunto do habitat e dalgunhas das árbores e espécimes da flora existentes no lugar, xa que constitúe un patrimonio natural e cultural valioso, de interese público.

Desde as organizacións ecoloxistas e veciñais vímonos opoñendo, desde hai tempo, a tal agresión ao medio natural e demandamos para toda a Fraga unha figura de protección especial de todo o Espazo Natural, polo que reiteramos ao Concello de que unha vez por todas rexeite o Plano de Sectorización e chamamos a toda a cidadanía a secundar esta demanda, mesmo agora diante das próximas eleccións municipais, e sobre todo agora que desde a propia ONU estase a facer un chamamento para protexer os espazos naturais e o medio ambiente para desacelerar o cambio climático que pode ser catastrófico para a humanidade e todas as especies do Planeta.


En Ferrol a 12 de Abril de 2007

Asinado no nome da Comunidade Menáncaro por:

Ramón Regueiro Santiago
DNI 32591787-M
Lugar de Quiá, 180
Serantes-Ferrol [15405]

Telefono.: 981327494
Telemóbel: 630287900


A Comunidade Menáncaro é un organismo de participación cidadán integrado por grupos ecoloxistas e veciñais.

correio-e:
menancaro@gmail.com
Blog da Comunidade Menáncaro:
http://menancaro.blogspot.com
--> Leer más...